កម្លាំងប៉ុស្តិ៍នគរបាលរដ្ឋបាលភ្នំពេញថ្មី បានឃាត់ខ្លួនជនសង្ស័យម្នាក់ ករណីលួចមានស្ថានទម្ងន់ទោសដោយប្រើហិង្សា
25-August-2018 | ដោយ ពលមនសិការ
ភ្នំពេញ៖ កាលពីថ្ងៃទី២៤ ខែសីហា ឆ្នាំ២០១៨ វេលាម៉ោង១៤និង៣០នាទី កម្លាំងប៉ុស្តិ៍នគរបាលរដ្ឋបាលភ្នំពេញថ្មី បានឃាត់ខ្លួនជនសង្ស័យម្នាក់ ករណីលួចមានស្ថានទម្ងន់ទោសដោយប្រើហិង្សា (ឆក់យកកាបូប) នៅចំណុចផ្លូវ១០១១ កែងផ្លូវ ១០១៩ ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ។
លោកវរសេនីយ៍ឯក ហ៊ួរ ម៉េងវ៉ាង អធិការនគរបាលខណ្ឌសែនសុខ ជនសង្ស័យឈ្មោះ ជា សុវណ្ណដា ភេទប្រុស អាយុ ១៨ឆ្នាំ មុខបរមិនពិតប្រាកដ ស្នាក់នៅផ្លូវលំ ក្រុម១៥ ភូមិរោងចក្រ១ សង្កាត់គោកឃ្លាង ខណ្ឌសែនសុខ (ឃាត់ខ្លួនមានសារធាតុញៀន)។ ជនរងគ្រោះឈ្មោះ ម៉េង ម៉ាឡេង ភេទស្រី អាយុ ៣៨ឆ្នាំ មុខរបរលក់ដូរ ស្នាក់នៅផ្ទះលេខ១៤ ផ្លូវ១០១១ កែងផ្លូវ១៩៧៨ ក្រុម៩ ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ។
ស្លាកស្នាមបន្សល់ទុកជនរងគ្រោះរបួសលាត់លើស្មងដៃខាងឆ្វេង,រលាត់ក្បាលជង្គង់ខាងឆ្វេង,ដាច់ខ្សែកាបូប ពណ៍ត្នោត។ សម្ភារៈបន្សល់ទុក៖កាបូបស្ពាយពណ៌ត្នោតចំនួន០១។
លោកអធិការបន្តថាមុនពេលកើតហេតុ កម្លាំងល្បាតប៉ុស្តិ៍នគរបាលរដ្ឋបាលភ្នំពេញថ្មី ល្បាតក្នុងភូមិសាស្ត្រ លុះដល់ចំណុចកើតហេតុ ឃើញជនសង្ស័យជិះម៉ូតូ ០២គ្រឿង មានគ្នា ០៣នាក់ បានធ្វើសកម្មភាពឆក់យកកាបូប ពីជនរងគ្រោះឈ្មោះ ម៉េង ម៉ាឡេង បណ្តាលឲ្យដាច់ខ្សែកាបូបហើយជនរងគ្រោះបានដួលលើចិញ្ចើមផ្លូវបណ្តាលឲ្យរបួស ភ្លាមនោះកម្លាំងល្បាតយើងបានទៅដល់ក៏ឃាត់ខ្លូនជនសង្ស័យបានចំនួនម្នាក់ ចំណែកឯកបក្ខពួក ០២នាក់ទៀត ឈ្មោះ ហែម សុគន្ឋ និង ឈ្មោះ ត្រេន ជិះម៉ូតូរត់គេចខ្លួនបាត់ ( ភិនភាគម៉ូតូម៉ាកស្គុបពី ផលិតឆ្នាំ២០១៣ ពណ៌ទឹកសមុទ្រ និងមួយគ្រឿងទៀតម៉ាកសេ១២៥ ផលិតឆ្នាំ២០១៣ ពណ៌ខ្មៅ ) បន្ទាប់មកកម្លាំងយើងបានឃាត់នាំខ្លួនជនសង្ស័យ០១នាក់ យកមកធ្វើការសាកសួរនិងស្វែងរកសារធាតុញៀននៅអធិការដ្ឋាននគរបាលខណ្ឌសែនសុខ។ បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តនីតិវិធីច្បាប់៕
ចំនួនអ្នកទស្សនា
- ថ្ងៃនេះ3331
- ម្សិលមិញ16391
- សប្តាហ៍នេះ49561
- ខែនេះ164711
- ឆ្នាំនេះ164711
- សរុប20607167